髮廊轉地下經營
雖然內地嚴打風近期吹得冇咁勁，但係唔少髮廊同倉仔，早就變晒做驚弓之鳥。為免再引起有關方面注意，唔少場都轉到地下商場搵食。原來內地有唔少經營不善嘅地下商場，空置率相當高，於是髮廊紛紛轉到呢啲商舖營業。有媽咪表示，喺商場內開舖雖然會增加皮費，因為除咗要畀租金，仲要畀保安費、清潔費等雜費，但係勝在地方企理又冇地面咁張揚，故吸引更多客人幫襯，令生意大旺，所以計落都仲有賺。
有老友最近就去過武漢一個地下商場，發現場內幾乎全層都變晒做髮廊，走廊兩側都企滿晒衣着性感嘅囡囡。玩家睇啱心水之後，就由囡囡帶領到商場後面嘅民居度交易，成個過程好低調，隱蔽度相當高。至於囡囡質素方面，老友話可食指數相當高，故此吸引到唔少玩家去捧場。不過，我就覺得，如果個商場突然增加人流的話，一定會引起有關方面注意，遲早會進行掃蕩，所以髮廊轉為地下經營，相信未必可以維持好耐。