寰乳奇聞：唔肯落旗點算好？
唔少人都試過搭的士遇着司機忘記落旗，最終搭咗一轉便宜車，但換轉係男人唔肯落旗，就非同小可，事關細佬長期充血，會造成肌肉壞死，分分鐘要做切除手術，問你驚未！所以美國就有間「掛羊頭、賣狗肉」嘅性愛診療所，專門治療一班喺屋企睇完四仔之後，唔肯落旗嘅男人，內裏嘅美女「醫生」，會盡全力令佢哋徹底釋放。
乖乖就範
其實呢間性愛診療所，係拉斯維加斯一位過氣舞孃所開嘅！佢話以前跳艷舞嘅時候，成日見到好多男人睇騷睇到唔肯落旗，結果急色起上嚟，惟有出高價搵佢哋呢班舞孃搞掂。於是佢退休之後，決定開番間濟世為懷嘅性愛診療所，全天候24小時開放，等有需要嘅男人急起上嚟都可以即刻去求診，唔使咁徬徨。
事關男人唔落旗超過一粒鐘，真係有危險o架！佢仲話診所內所有美女醫生都好有質素，就算幾難落旗嘅男人，只要領教過佢哋嘅獨門秘技，都會乖乖就範喎！