腰斬泳衣騷
夜場生意競爭激烈，於是各出奇謀吸引客人幫襯，好似中山一間桑拿中心，早前推出名為「浪漫沙灘」嘅活動，全場囡囡穿着三點式泳衣，惹火身材展露無遺，咁鬼吸引，客人梗係排住隊嚟幫襯喇，令桑拿生意大旺。點知，呢個活動只係搞咗幾日就結束，究竟係點解呢吓？原來係好多囡囡都冷病咗，所以被迫取消活動。其中一個囡囡就話：「近排天氣轉涼，仲要我哋穿着三點式泳衣侍客，個場冷氣又凍，唔冷病就奇啦！活動一開始就已經有三四個姊妹陸陸續續病倒，老總得知後，擔心若然全部囡囡都請病假休息的話，到時就唔夠人手招呼客人，於是立即下令取消沙灘活動，唔使囡囡再着泳衣。」據知，家陣囡囡全部改穿着OL服，大玩制服誘惑，不過始終唔及着三點式泳衣有咁多肉睇，自然令客人入場嘅興趣大減，睇嚟老總又要諗計，推出一啲噱頭活動嚟吸引客人幫襯至得啦！