世界波：前輩教路四仔專業之道

美國四仔咁多捧場客，全賴班脫星夠索又身材好，加上專業演出，四仔迷自然睇到欲罷不能！為咗畀到四仔迷新鮮感，演而優則導兼做埋四仔製作公司老闆嘅著名脫星Jenna Jameson，早排就高調宣傳話要引入新血，拋出一個條件之餘，仲喺網上廣徵眾女星意見，討論吓想做脫星到底要有乜嘢條件先合資格。

索女Jenna Jameson可謂近年脫星界嘅傳奇人物，事關呢位早喺1993年出道、今年已經37歲嘅著名四仔女星，不但係四仔製作公司嘅老闆，更係一位作家。04年時，佢就推出一本名為《How to Make Love Like a Porn Star: A Cautionary Tale》嘅性愛手冊，集其多年床上經驗之大成，讓男女享受床上樂趣。今次佢為提拔新人，更開出咗一個做脫星嘅先決條件，究竟係咩條件呢？

着高踭鞋激戰

Jenna擁有一對修長美腿，而想成為佢公司旗下脫星嘅條件亦同條腿有關，就係要識得着高踭鞋！可能有人覺得，唔少女士都有着高踭鞋嘅習慣，呢個條件好似好簡單喎。當然，Jenna講得出，自然有佢嘅理由。原來Jenna所講嘅識着高踭鞋，係要求想入四仔界嘅少女，即使腳踏5吋高踭鞋曳曳時，無論跪趴企都能保持動作靈活自如，仲要充分展現腿部美感，冇番一定嘅實力同技術，真係好難着住對鞋同男優上床激戰。

體位要創新

Jenna仲邀請一眾脫星前輩畀意見。新進脫星Tiffany Thompson就提出新人最重要喺床上有創意，要勇於嘗試不同體位。擁有一副柔軟美體嘅佢，不論玩拱橋定係一字馬，都游刃有餘。不但可以畀到四仔迷極大嘅視覺享受，更可以盡顯床上功架。

艷舞夠銷魂

另一位人氣脫星Raven Riley就認為，想做脫星，一定要識得跳艷舞。點解呢？事關喺唔少四仔作品中，都有艷舞Solo作為作品嘅開場，如果脫星跳得勁，又夠誘人的話，就能輕易吸引四仔迷嘅眼球，令佢哋睇落去。

懲罰不可少

雖然話Jenna於網上徵集意見，吸引唔少姊妹留言，但唔係種種意見都咁有建設性。好似專玩重口味片嘅脫星Bobbi Starr就提出，新丁最重要係識得玩懲罰。

如果閣下睇過愉虐系四仔嘅話，就知道懲罰係呢啲重口味片嘅必備環節，扮演女王嘅脫星，拎住條九節鞭對男優狂抽，講真唔係個個四仔迷都接受到，就算反過嚟，對四仔新丁嚟講亦未必頂得順，如果唔係有呢方面癖好，就無謂夾硬嚟！

Jenna Jameson床技手冊

Jenna Jameson床上經驗豐富，佢更將多年經驗化成文字，作為提升男女歡娛嘅天書，讓一般男女都能夠學到如脫星般出神入化嘅床上功夫。

書名：《How to Make Love Like a Porn Star: A Cautionary Tale》

作者：Jenna Jameson（口述）、Neil Strauss（筆錄）

出版：Regan Books