保母難撈

澳門某夜總會一位相熟保母D忽然沒上班，換了個外地回流的馬交人，問了幾個人，都沒有正面答我，後來才知道，她轉了行，跑到賭場工作，「前途唔好講啦，人工真係高咗一截。」這是現時澳門夜場普遍面對的問題，要聘請本地人真的不容易，所以上到場就有眼得見，愈來愈多的外籍勞工；而那些韓式桑拿（即沒有池浸，人客進場便入房揀女）的興起，我覺得多少跟人手短缺有關。

保母D走了，另一家場的保母B又話會辭工：「我都就快唔做o架啦！」一來，是她仔大女大，他們開始會「介意」她的職業，「咁學校問起，又真係會令佢哋好尷尬嘅。」二來，是因為她覺得現在的囡囡好難湊，「以前你有紋身、有肚皮紋，根本就唔使旨意喺大場返工，見工嗰陣我哋已經做晒Body Check，邊有得留低o架！但今時唔同往日，囡囡矜貴得多，啲靚女夜總會搶，桑拿又搶，所以大家對囡囡嘅要求都降低晒，但佢哋唔聽教，因為佢哋都知道大把去路吖嘛！」

她說，以前返工，囡囡都要交手提電話，怕她們坐枱時接電話影響表現，現在？乖的交，不乖的交一部不用的，用的那部自己還是Keep住，「你以為我唔知咩？不過，有咩辦法？」