神州遊：冠軍級索女 劉雨欣

嚟自湖北嘅靚女劉雨欣，曾經參加過選美活動，並且奪得冠軍，佢又參與過多次雜誌封面拍攝，亦拍過電視劇，直至09年參演電影《花木蘭》而備受關注。

雨欣除咗樣靚身材好之外，演技亦了得，皆因佢係中央戲劇學院嘅畢業生，難怪被導演馬楚成睇中，搵佢拍攝《花木蘭》，扮演柔然公主一角，自此知名度大增。至於唱歌跳舞方面，亦難雨欣唔到，佢參加過唔少跳舞比賽，奪得驕人成績，仲因而被香港著名導演關錦鵬睇中，邀請佢拍攝一部以跳舞為主題嘅電影《用心跳》，足見雨欣嘅舞功有番咁上下。及後，欣雨仲拍咗好多齣電視劇集，全部都係「女一號」嘅角色，所以論實力排名，絕對係阿姐級人馬。

超性感演出

雨欣天生就係一名靚女，加上身材出眾，三圍有35-23-36，所以唔少攝影師都喜歡搵佢拍硬照，而且雨欣一啲都唔錫身，就算做咗當紅花旦，要佢拍攝超性感寫真，佢都唔會托手月爭，仲話唔介意露點演出添，難怪啲攝影師咁鍾意佢啦！當然好多宅友、網友都一樣咁Like佢，事關雨欣嘅寫真，張張都噴血度極高，而且不斷有新作，令人睇極都唔厭，促使雨欣喺網絡界亦人氣高企，睇嚟佢真係有排紅呀！

劉雨欣Profile

出生地：湖北武漢

三　圍：35-23-36

身　高：171cm

興　趣：睇書、寫日記