冷艷金髮美女
日本暴力動漫《Black Lagoon》又有新作，今次推出嘅係俄羅斯黑幫女頭目Balalaika，佢本身係前蘇聯軍人，後來下崗及負債，於是成為黑幫小頭目。呢位索女雖然面有疤痕，但係身材玲瓏浮凸，兼戰鬥力極強，故此深得粉絲歡心。
至於呢個Balalaika首辦模型，設計師特別加咗個完美俏臉頭畀玩家替換，令佢即時靚女晒。身材方面，當然跟足原著，一樣咁玲瓏浮凸，仲有佢只穿着絲襪同高踭鞋，不但讓一雙美腿更加吸引，更增添濃濃嘅女人味。如果嫌Balalaika身上件大褸阻住你欣賞美妙身材，更可以將佢除落嚟，立即變成內衣索女！