激似明星相孫心婭

每年模特兒界有咁多新人出道，要觀眾記住佢哋個名，真係唔容易，但如果個Model貌似某位明星，通常會被人稱為小某某，令人易記得多，好似今日介紹嘅孫心婭，就有小趙雅芝嘅稱號喇！

呢位嚟自黑龍江哈爾濱嘅靚女孫心婭，樣子清秀，身材高挑，出道初期，主力當平面模特兒，由於佢極具潛質，故迅即竄紅，成為黑龍江嘅人氣名模，及後佢更到北京發展。

努力工作

由於心婭有幾分似趙雅芝，所以當地傳媒及網友都叫佢做「小趙雅芝」，佢表示能夠同偶像拉上一點點關係當然開心，但同時亦有唔少壓力，所以佢一定會更加努力工作，做出好成績。

心婭做模特兒期間，拍咗唔少廣告同硬照，當中不乏性感演出，將心婭嘅惹火身材表露無遺，睇到人流鼻血，難怪心婭喺網上十分受歡迎，佢嘅照片點擊率極高。

多棲發展

出道咗一段日子嘅心婭，今年決定大展拳腳，作多方面發展，而佢自小就喜歡唱歌，所以最近刻意減少模特兒工作，專心學唱歌，同時仲學埋跳舞，希望將來喺台上又唱又跳。而心婭嘅努力並冇白費，據知已有唱片公司簽咗佢，仲話好快會推出個人唱片添！此外，心婭仲想拍電影或電視劇，過吓戲癮，睇嚟心婭好快就會喺歌影視界走紅，但記住要繼續拍多啲性感寫真，否則粉絲們會好失望！

孫心婭Profile

出生地：哈爾濱

三　圍：32-33-34

身高：170cm

興趣：唱歌