動漫女神葉梓萱

最受龍友歡迎嘅展覽會，除咗車展之外，就一定係動漫展，事關除咗有好多性感騷女郎之外，仲會有好多遊機商嘅代言人粉墨登場，做得動漫遊戲嘅女主角，當然個個都係童顏巨乳，當中亦有甚具人氣嘅動漫女神，就係今日要介紹嘅葉梓萱喇！

現年21歲嘅梓萱，本來喺網絡遊戲公司當秘書，有次展覽會因為唔夠Model，公司於是叫佢落場客串一下，當佢一着上套性感Cospaly服後，簡直令宅男瘋狂，眼見自己大受歡迎，梓萱索性轉行做模特兒。

奪去初吻

今年，梓萱為一間網絡遊戲公司任代言人，以一身性感嘅孫尚香造型出席展覽會，當佢同台下嘅粉絲拍照時，突然遭一名四眼鹹濕仔強吻，對方得手之後就逃去無蹤，而呢個過程被人拍咗落嚟，並放埋上網，網友叫呢個鹹濕仔做「強吻哥」。由於梓萱無端端被人奪去展場上嘅初吻，個個粉絲都戥佢唔抵，於是封佢為最美Show Girl，仲因此而人氣大升，一口氣接拍咗唔少廣告同埋網絡遊戲代言工作，收入豬籠入水。

改行性感

梓萱嘅身材十分火辣，上圍有33C，配上22吋小蠻腰，令上圍睇起上嚟更顯豐滿，加上穿着性感嘅Cospaly服，輕易俘虜一眾宅男同動漫迷。除咗接網絡遊戲代言工作外，梓萱亦拍咗唔少內衣及泳衣廣告，將美好身材表露無遺。但無論佢走乜嘢路線，都一樣有大把粉絲支持，事關乜嘢造型都難唔倒梓萱，同樣可以將最美、最性感嘅一面展露出嚟，令人嘆為觀止。

葉梓萱Profile

出生地：上海

三圍：33-22-23

身高：169cm

興趣：街舞、唱歌