再遇226

收工之後，我哋兩個女人邊行邊講，首站梗係去醫肚先，Macy呢個衰婆好識食，一開口就話要食懷石料理，我心諗真係想食咗我隻車，鬼叫自己有事相求咩，貴一貴都要啦！個衰婆一邊食拖羅，一邊就開始講，佢話權力核心嗰幾個老細正在角力，隨時有機會將大老細飛出董事局，如果係真嘅，Richard係大老細嘅人，自然形勢危急。Richard依家最好買一鋪大細，千祈唔好做牆頭草，點都要落注一邊，如果買中嘅話，隨時有機會更上一層樓，如果做牆頭草實聽死路一條。我心諗，呢餐總算有回報。

佢見我笑得曖昧，就知今晚應該仲有甜品，於是我哋快手埋單，轉場去咗「塔斯曼尼亞宴會廳」，皆因呢期呢度多靚仔。我哋兩個索女一齊殺入去，咁顯眼當然好快就引來獵物，冇耐就有個貌似佐治古尼嘅中佬行埋嚟，見Macy雙眼好似發青光咁，我就知佢嗒糖，一於推波助瀾，反正我都未餓，佢有着落先係我今晚嘅目的。幾杯落肚之後，佐治古尼終於忍唔住將隻手放喺Macy條腰度，掃吓掃吓，Macy好快就畀佢掃着咗，兩個人向我打咗個眼色。我識做咁扮晒出去獵食，出咗舞池再擰轉頭，已經唔見咗佢哋，估唔到Macy仲急色過我。

突然間，我發覺自己條腰畀人攬住，我一望就發覺係上次嘅226，佢滿面笑容咁望住我，將我一擁入懷，周圍人聲嘈雜，我根本聽唔到佢講咩，淨係知道佢對手好唔規矩。

喺人逼人嘅舞池中，佢由我個胸一路摷到落Pat Pat，仲喺我重要部位不斷來回摩擦，搞到我心癢難耐，忍唔住同佢打咗個茄輪。點知佢愈打愈激烈，我Feel到佢已經硬晒，好似想將我就地正法咁，我緊張起上嚟，竟然一手將佢推開……

Lady Barbara

某大公司高級行政秘書，年齡係秘密，蒲齡更加無謂講，向以獵男為己任，志願係嫁個有錢人，日日行街Shopping、High Tea做Facial，早日脫離打工行列。