世界波：3招引爆性高潮

基本上，男人上床嘅目的都係但求一洩，發洩過後，自然得以滿足。相反，女人則可能係為咗感情交流至上床，此後滿足亦唔單止係一洩，而係多洩，因為女人可以於一次交歡中得到多次性高潮，不過，能否令女伴享受到多重高潮，就要睇吓大家有幾好功夫喇！

好多男士都埋怨自己嘅伴侶係床上死魚，任自己點努力都好，依然未能夠令對方產生出任何高潮反應。老實講，我都好怕遇到呢種女仔，不過，將佢哋拋棄之前，我哋亦先要檢討一下個人表現。正如溝女名書《把妹達人》嘅作者Neil Strauss話齋：「世界上冇溝唔到嘅女人，只係大家唔識得使用適合嘅溝女方法。」此道理亦適用於男女交歡，因為小弟相信，女方肯同你上床，已經表示彼此之間有愛存在，即使大家只係認識咗一晚都好，把酒談心兩三個鐘都係時間嚟o架！至於有咩方法可以引爆女方嘅多重高潮呢？網站Ask Dan and Jennifer內嘅一篇文章，就為我哋提供咗以下3招嘞！

1.刺激陰蒂燃點慾火

大家千祈唔好將享受床上歡娛當成食即食麵，一埋牙就開波，以為以自己嘅強勁衝擊，可以令女方高潮迭起。此想法需要改正，同時亦要學習一下，「攻門」之前先刺探一下女方小妹妹周邊嘅敏感位置。

其實，女方嘅陰蒂敏感度極高，亦非常需要得到刺激。但係畀你搵到此重點後，切忌一手摸落去就喪捽，除非女伴係AV女優啦。刺激嘅時候，首先要從陰蒂外圍開始，以手指及舌頭輕柔挑逗，間接刺激陰蒂，當察覺到女方渾身火燙，呼吸急促，先直接強攻重點都唔遲。

2.掌握節奏提升興奮度

玩音樂要有節奏、跳舞要有節奏、上床亦講求有節奏。好多男人崇尚激烈嘅愛撫、舌戰同抽送，但係有速度有勁度，唔代表可以提升興奮度，因為女方最注重溫柔又漫長嘅前戲，最後至需要激烈又密集嘅活塞運動。

不過，無論係慢動作前戲，定係快速抽送都好，最重要係動作要有節奏地進行，唔好雜亂無章亂搞一通。小弟在此提議男士可以多玩機舖嘅拍子機，練好節奏感，交歡嘅時候仲可以播首柔和純音樂，跟住節奏以舌技刺激或抽送，自可大大提升對方嘅興奮度。

3.一字記之曰：磨

女性嘅陰道內壁，其實遍布好多感覺神經，若然以為單靠抽送就可以將女伴帶上高潮，咁就真係Too Naive喇。咁唔通要我哋男人放棄呢種令自己興奮嘅動作？非也，因為抽送方法用得啱，其實亦可以刺激埋女伴嘅陰蒂嘅，而方法就係磨喇！

點磨法？兄弟你如果腰肢夠靈活，大可以於「合體」之時扭動熊腰，用閣下嘅恥骨摩擦對方嘅陰蒂。如果自己太有骨氣，腰骨太硬，亦可以嚟個女上男下，等女伴逕自扭腰打磨一番，保證佢愈磨愈High。