網絡第一美人 宋曉佳

喺內地要數最多靚女嘅省份，四川省必入3甲之內，如前輩級嘅有劉曉慶，新進有歌手張靚穎、張含韻等，而今日要介紹嘅索女模特兒，就係嚟自四川成都嘅宋曉佳喇！

曉佳雖然只係一個平面模特兒，但佢喺網絡上嘅人氣極高，網友更稱佢為「網絡第一美人」，有咁嘅稱號，真係一啲都唔簡單。講真曉佳嘅樣子又的確愈睇愈靚，加上身材高挑，着乜衫都咁好睇，當然着得愈少布，就愈受網友歡迎啦！

瞓身演出

上圍擁有34D嘅曉佳，拍攝嘅性感寫真，張張都極之誘人，真係睇到人流鼻血，事關曉佳每次都瞓身拍攝，展現玲瓏浮凸嘅身材，加埋一對42吋長腿，認真煞食！而且曉佳全情投入，七情上面，難怪迷倒一眾粉絲。仲有，每有新寫真推出，曉佳都會第一時間放上網公諸同好，亦因為咁樣，佢嘅人氣極盛，喺四川同北京都甚具人氣，曉佳因此大受廣告商歡迎，工作接唔停。

舞功深厚

曉佳除咗樣靚身材正之外，原來跳舞都好叻，喺老家仲係隸屬軍區嘅專業舞蹈員，佢曾參加全國性嘅跳舞比賽，且奪得亞軍，實力不用置疑。有雜誌問佢，想唔想轉戰影視界發展，佢就話暫時都未有咁嘅打算，反而想放多啲時間喺舞蹈上，希望有多啲表演機會。既然曉佳「舞」功深厚，遲早一定會有人賞識，但希望曉佳做專業舞蹈員嘅同時，都要拍多啲大膽寫真呀！

宋曉佳Profile

出生地：四川成都

三圍：34D-23-35

身高：172cm

興趣：跳舞