豆腐女球僮
早排老虎仔真係人衰行路打倒褪，連同佢合作多年嘅球僮都離佢而去，既然冇人幫手，不如試吓搵呢間豆腐球僮專門店幫手。雖然佢哋表面上只服侍同志女球手，為佢哋提供女球僮，但如果客人出得起錢，要球僮變成男人，或者要豆腐球僮轉Channel都冇話唔得嘅！
好想操波
呢間球僮專門店開業只有半年，專門喺佛羅里達州搵食，因為嗰度有個靚球場Bay Hill，自然有好多高球發燒友專程到訪。所以專門店開業半年已經旺到七彩，事關呢班女球僮唔止人靚波甜，球技都唔錯，同客人喺球場上波來波往，真係搞到成個場都「春」光明媚。
好多女同志本來對高球都係抱住玩玩吓嘅心態，興趣唔係咁大，但自從發現咗有咁專業嘅球僮出租之後，佢哋直情迷上高球，每星期都想操一次波，更愈打愈興奮，唔打就心掛掛。