胸懷大志徐苗

家陣想做模特兒，真係有好多入行渠道，好似內地就有公司專捧一啲有潛質嘅少女，火速成為人氣模特兒，當然女方本身也要具有實力，人靚身材正啦，好似今日介紹嘅徐苗，就係最佳例子。

今年22歲嘅徐苗，一直都好想入行當模特兒，於是佢參加某公司舉辦嘅「造星計劃」，經過一輪嚴格嘅訓練之後，佢最近終於畢業，躍身成為模特兒界嘅一分子。本來啱啱出道，應該人氣唔高，但徐苗實力非凡，大受歡迎，立即人氣爆燈。

心口澎湃

徐苗樣子甜美，青春少艾，又的確係迷死人，而且有人話佢有幾分似影星孫佳君添！至於身材方面，一對33D咪咪，拍攝泳衣或性感照時，睇頭十足，輕輕一夾，就營造出十分澎湃嘅效果，噴血度極高，因而迷倒一眾網友，不單止瘋狂下載佢嘅照片，仲不斷轉發，所以阿妹出道冇耐就人氣旺盛，極速上位。

潛質優厚

此外，徐苗表示想喺演藝界大展拳腳，據講佢嘅歌藝唔錯，十分有潛質，但亦有人話佢未學行先學走，小心仆親！不過，大家不妨留意吓佢嘅心口，喺事業線頂端有粒痣，絕對係相書中嘅胸懷大志之相，難怪佢做咗模特兒冇耐，就又話要做歌星、明星。相信徐苗本身咁有實力，又咁有自信心，成為明日之星指日可待呀！