骨女倒貼

內地骨場囡囡，許多時都要貼錢打工，例如最普遍係要自掏荷包買制服。我認識一位喺中山骨場工作嘅技師，佢話所有囡囡都要自己畀錢買公司嘅制服，如果唔買就冇得開工，而且最少要買兩三套嚟替換，所以第一日返工，囡囡就要先畀一千幾百蚊，如果冇錢的話，就唔使旨意開工。

技師仲話，佢間骨場分有3種唔同價錢嘅制服，分別係¥300校服、¥600女僕服及¥800賽車女郎服，而制服價錢亦同肉金成正比，即係話穿着賽車女郎服，身價就最高。但係唔代表其質素高，因為一啲新入職嘅囡囡，雖然樣靚身材正，但由於買唔起最貴嘅制服，就只能從低做起，着校服做學生妹，收取最低價嘅肉金。相反，有啲資深囡囡，手頭有錢，可以買到車模制服，繼而收最貴嘅車模肉金。所以，有時車模囡囡嘅質素反而比唔上學生妹組別嘅囡囡，就係咁嘅原因喇！另外，啲制服賣得咁貴，其實係畀骨場嘅老總賺晒，據講如果一間有過百名囡囡嘅骨場，每次轉換制服，老總最少執到幾十萬元o架，真係發達囉！