情色連載：風騷老闆娘之半斤八両

阿狗真係一個天生異稟嘅男人，日頭搬到身水身汗，收咗工仲可以入貨倉大戰連場，就連老闆娘都開始對佢另眼相看。呢個月阿狗收舖之後就同老闆娘晚晚開戰，由貨倉戰到出舖面，舖頭每一個角落都有佢哋嘅戰「漬」，老闆娘日日都春風滿面，係人都知佢近期食咗好多補品，所以容光煥發，成個人都後生晒。不過阿狗就開始愈來愈殘，因為精力消耗過度嘅關係，有一晚，佢終於出現咗早洩嘅情況，老闆娘大感掃興，仲嬲到黑起塊面。

另請大隻男

阿狗唔好意思咁講：「老闆娘，可能我近期砌得太多，你畀我休息幾日，我就可以復原o架喇！」老闆娘面紅耳熱咁回應：「咁你即係話我大食啫！」阿狗立即唔敢再出聲，而老闆娘就怒氣沖沖咁走咗去。自此之後，阿狗都唔使再開OT，老闆娘對佢嘅態度完全轉變，除咗叫佢做嘢之外，好少再同佢接觸。阿狗見佢咁冷淡，都唔敢再進一步。

如是者，又過咗幾個月，有一日，阿狗見到舖面有個大隻猛男嚟見工，佢起初都唔為意，但諗諗吓，呢個男人會唔會係嚟取代自己嘅呢？於是好緊張咁走去搵老闆娘問個究竟。

技能得一半

老闆娘好冷淡咁回應：「阿狗，你都喺度做咗大半年啦，我有冇虧待過你先？」「冇！」「其實我好早已經話舖頭蝕錢o架啦，所以下個月，我諗住轉你做兼職，為咗減輕皮費，我都冇辦法。」

阿狗好失望咁話：「咁你又請人？」老闆娘畀佢拆穿西洋鏡，自然氣上心頭，一口氣吐出事實：「鬼叫你表現唔好，淨係得大力有鬼用呀！男人最重要係持久吖嘛！你依家得一半技能，就自然得半份工，好公平吖！新請嘅員工，如果又大力又持久嘅話，你隨時連半份工都冇埋呀！」老闆娘𡁻完鬆咁卑鄙，畀佢榨乾榨淨嘅阿狗，仲有丁點骨氣，最後決定劈炮，由得佢食自己。（完）