90後氣質少女研依

80後同90後嘅囡囡相比，好多龍友都話90後比較靚啲，但嗰種靚並唔係五官有幾標致，而係佢哋擁有一種非凡氣質，好似今日介紹嘅90後靚女，網友一致評為最具氣質新人王，佢就係嚟自浙江舟山嘅模特兒研依喇！

今年19歲嘅研依，絕對係90後靚女，擁有一份好獨特嘅氣質，所以拍攝出嚟嘅照片都特別有美感，當然佢嘅性感寫真就更加有味道，令網友着迷啦！

迷人長腿

今年才加入模特兒界嘅研依，身高176cm，加埋玲瓏浮凸嘅身材，唔好話着上三點式泳衣，就算穿着背心，只要露出條事業線，就足以令粉絲瘋狂，仲有佢一對41吋修長美腿，簡直煞食，唔少網友話單係睇見佢雙長腿，就已經興奮到爆晒燈。現在喺上海發展嘅研依，問佢有冇打算轉戰北京？佢話希望先喺上海闖出名堂，之後再作打算都唔遲，咁又啱，研依咁後生，一定大把機會，前途無可限量。

咪大有腦

問及研依介唔介意拍攝性感寫真？佢話一啲都唔介意，因為身為模特兒，就要有心理準備接拍任何形式嘅照片，真係好專業呀！但係會唔會怕男朋友唔鍾意呢？佢話呢層大可放心，因為家陣仲未有男朋友，就算將來有，但如果對方接受唔到佢嘅工作，就一定唔會喺埋一齊。真係估唔到19歲嘅研依咁識諗，可見阿妹除咗樣靚身材正，仲係食腦之人，相信佢喺上海模特兒界一定可以大放異彩。

研依Profile

出生地：浙江舟山

三圍：34-22-33

身高：176cm

興趣：影相