動漫天后張妮娜

如果你屋企個女成日睇漫畫，原來未必係一件壞事，因為佢可能好似今日介紹嘅靚女咁，喺動漫界闖出名堂，甚至成為天后級Model，呢位靚女就係張妮娜，相信動漫迷一定唔會對佢陌生。

出生於貴州貴陽嘅張妮娜，曾到北京讀外語，由於佢自細就好鍾意睇漫畫，所以嚟到北京之後日睇夜睇，差啲影響埋讀書成績，好彩佢為咗睇外國漫畫，而努力學習英文，考試成績總算不過不失。

至愛玩Cosplay

此外，妮娜亦好鍾意玩Cosplay，當時佢跟幾個志同道合嘅女生，每逢周日就會一齊出去扮鬼扮馬，之後把照片發放上網，由於妮娜身材出眾，而且打扮性感，唔介意露肉，所以深得網友歡迎，瘋狂轉貼佢嘅性感Cosplay造型寫真，妮娜因此而紅爆網絡。

之後每有動漫展，參展場都會搵妮娜做騷女郎，就係咁，佢一做就做咗3年。而最出位就係09年發生「鼻血哥」事件，話說有一次妮娜喺台上演出，點知台下有觀眾竟然睇到流鼻血，於是妮娜上前遞咗張紙巾畀佢，呢件事成為一時佳話。

瞓身演出

及後妮娜轉戰模特兒界發展，拍咗唔少廣告同平面硬照，由於佢嘅身材足可令男人流鼻血，於是搵親佢拍嘅廣告，都係要求佢性感演出，但妮娜冇話紅咗就錫身，繼續瞓身演出，就算要全裸拍攝都冇問題，當然出嚟嘅照片係唔會露三點，但足以令男士們興奮萬分。值得一讚嘅，就係妮娜冇忘本，一有時間，就會做動漫作品或者電玩遊戲嘅代言人，就算只做騷女郎佢都冇托手(月爭)，因為佢的確熱愛漫畫。仲有，原來妮娜都畫得兩筆，唔少Cosplay造型，都係佢自己嘅創作，真係叻女呀！

張妮娜Profile

出生地：貴州貴陽

三　圍：34C-22-33

身　高：168cm

興　趣：睇漫畫、Cosplay