世界波：性愛體位透視男人心

有人話男人同女人，原本係嚟自兩個唔同嘅星球，一次偶遇之下，擦出咗愛火花，愛到日日停不了做愛。不過無論佢哋喺床上幾夾都好，落咗床之後，都會變番兩個唔同星球嘅人，鬧起交上嚟，隨時火星撞地球。其實想了解男人好簡單，只需要留心佢哋對體位嘅喜好，就可以觀察出端倪，咁咪唔使估得咁辛苦囉！

英國嘅「健康在線」網站，刊載咗一啲性學專家嘅觀點，分析出喜好唔同體位嘅男性，各自有唔同嘅性格，所以女人大可以根據呢啲Hints，深入了解你嘅另一半，睇吓佢屬於邊種類型！

傳統式 大男人

一般人心目中最傳統嘅體位，係最基本嘅男上女下，根據英國一個訪問咗2,000人嘅性調查指出，有3成人都好鍾意呢個體位，原因係想睇真啲女人個樣，同埋方便邊做邊錫。

性學專家認為，鍾意呢種體位嘅男人，大多比較忠誠可靠。同時，佢又希望透過呢種體位，令女人清楚體會到佢嘅性能力，所以呢種男人雖然較可靠忠誠，但同時又係大男人一名，需要女伴欣賞同肯定。

側臥式 貪心精

呢種側臥式體位，係最少男人鍾意嘅，事關呢種體位衝刺感欠奉，適合老人家多啲，所以好多精壯男士都唔Like。不過仍然有少部分男人鍾意，貪呢個姿勢慳水慳力，可以做得耐啲，持久力可能會勁啲。

專家話呢類男人大多比較貪婪，只顧自己利益，同時渴望女方對佢照顧有加，卻不願付出同等關愛。另一方面，佢哋對自己嘅性能力亦自信不足，所以希望可以慳啲氣力。

狗仔式 操控狂

呢種體位好普遍，喺2,000名受訪男性當中，有一半人都鍾意玩Doggy Style，事關男人進行狗仔式嘅時候，可以更深入女伴嘅重地，清楚表現自己嘅雄風，而且抽動嘅時候，可以更強而有力咁進攻。

鍾意呢種體位嘅男人，大多有控制慾，鍾意對方喺佢嘅掌控之內，任何事都由佢做主導，而且呢類男人比較粗獷，略嫌細心不足。

騎乘式 大細路

喺2,000名男士中，有2成都喜歡玩騎乘，除咗因為唔想郁之外，仲想試吓畀女人操控嘅感覺。所以專家認為，呢類男人心理上比較依賴，缺少激情同埋抱負，鍾意女人為佢哋處理麻煩事，自己只顧吃喝玩樂。

如果佢只係間唔中先用騎乘位嚟增加刺激，則反而係好嘅表現，專家話呢類男人懂得尊重女人，願意同女人分享主導嘅快樂。