南方校花王婉珈

內地當紅嘅模特兒，大多數都係北方人，南方靚女好似冇乜睇頭咁，不過凡事總有例外，好似今日介紹嘅人氣模特兒王婉珈，咪睇佢身材高大，又皮膚白淨，就以為佢係北妹，查實佢係南方廣東人，仲係汕頭妹添！

婉珈自小就好喜歡音樂，於是報讀北京星海音樂學院，由於阿妹人靚身材好，被同學封為校花，更成日將佢嘅靚女相片貼上網，甚至將佢同其他學院嘅校花比併，婉珈亦因此而喺網絡上走紅，及後佢被模特兒公司睇中，於是就當上兼職模特兒，主力拍攝硬照。

同時，同學仔又努力咁將佢嘅硬照貼上網，結果喺短短一年間，點擊率已超過二百萬人次，由於人氣旺盛，所以獲得各大廣告商垂青，令婉珈成為炙手可熱嘅廣告女郎，其拍攝嘅廣告全國都可以睇到。此外，婉珈亦經常亮相電視台節目，擔任主持或表演唱歌跳舞都難佢唔倒，大受觀眾歡迎，亦有唔少影視製作公司向佢招手，睇嚟婉珈做埋明星，都係指日可待嘅事。

工作拚搏

其實婉珈咁成功，全因佢本身多才多藝同有拚搏精神，初出道時，拍攝性感照片一啲都唔錫身，特別要同北方靚女比併時，佢可以話施展渾身解數，要性感有性感，要個性有個性，玩狂野更係佢嘅強項，所以佢啲性感寫真，噴血度爆晒燈，雖然婉珈冇波濤洶湧嘅身材，但騷在骨子裏嘅另類性感，反而更引人入「性」！

王婉珈Profile

出生地：廣東汕頭

三圍：34-23-35

身高：168cm

興趣：游水、跑步