世界波：4 招基本功帶你上高峰

高潮係每場性愛嘅最終目的，但根據美國成人雜誌嘅調查報告指，

每2,000名女性當中，只有約1/3人每次性愛中都能達到高潮，

呢個答案真係So Sad！其實高潮對於女性嚟講，

絕對唔係遙不可及嘅事，

只要伴侶懂得掌握四招基本功，

就可以齊齊上高峰走一轉！

其實引發女性高潮之所以有難度，完全係因為大部分女人嘅G點，都唔係喺隧道裏面，所以就算男人砌足90分鐘，有時都未必能夠令女人到達頂峰。不過，只要懂得掌握以下4招基本床上技巧，要上高峰就話咁易啦！

第1招 主動騎乘

幸福唔係必然嘅！女人想要高潮，有時都要靠自己作主動，騎乘位就最容易接觸到女人嘅G點，令G點獲得更準確嘅刺激。

呢個動作由女人全程主導，可以因應自己嘅感覺而作出快慢、深淺嘅調整，同時亦能享受完全主導嘅快感。男人又可以欣賞女人喺做主動時所流露出嘅誘惑媚態，令雙方都得到快感，咁就自然更易到達高潮啦！

第2招 蒙眼做愛

蒙眼做愛可能好多人都試過，絕對係簡單又有效嘅情趣玩意，因為當眼睛被蒙住之後，整個世界便進入漆黑一片；你需要靠觸覺或聽覺來辨別方位。對方每一下接觸，每一下衝擊都令你更加敏感！

就算只係好平凡嘅愛撫、親吻，都立時會變得好刺激。而且身體完全被對方掌控，無形中多咗一份操控嘅快感，令高潮來得更易。

第3招 口舌之樂

之前提過女人想要高潮就必須要刺激G點，而大部分女人嘅G點都唔喺隧道裏面，所以對G點最有效嘅刺激，非口舌服務莫屬。

如果伴侶願意為女人做口舌服務，女人要上高峰就一啲難度都冇，不過好多男人都有呢方面嘅障礙，倒不如試吓拋磚引玉，先替對方服務，再引誘佢向你投桃報李，咁就大家都可以得到滿足啦！

第4招 角色扮演

現實生活有時好枯燥乏味，每日返工放工，就連上床做愛都係千篇一律，自然會愈做愈悶，愈悶就愈唔會有高潮出現。

所以偶然玩吓角色扮演，自己可以嘗試做啲超越現實嘅人物，兩個人暫時脫離生活嘅規範，盡情享受一刻嘅放縱，未嘗唔係一件樂事。

無論化身護士、特務或者學生妹，只要投入其中，都可以帶嚟不一樣嘅興奮感覺！