世界波：Sexting藝術引爆情與慾

上世紀嘅人要傳遞愛意，會寫情信深情表白，到電話開始普及，就改為通宵煲電話粥，及至近年有咗手提電話，我哋又可以互傳情慾短訊。而家陣嘅智能手機仲有即時短訊程式，令情慾短訊傳得更快更方便，甚至成為一種調情的藝術。

近年香港興起好多潮語，例如港男、屈機、升呢等，至於外國方面最流行嘅潮語應該就係Sexting喇。Sexting最早出現於2005年，由Sex（性）同Texting（打字）組合而成，意思係指用手機傳遞純文字或者包含鹹相嘅情慾短訊。近年Sexting愈來愈普及，根據一個來自美國南部嘅相關調查發現，喺4,400名年齡介乎10至18歲嘅受訪學生當中，有50.7%男生以及49.3%女生曾參與過Sexting，可見Sexting的確好多人玩，更有人認為Sexting已經成為一種兩性溝通嘅藝術。

為令大家了解到Sexting嘅奧義，並且將男女之間嘅情與慾提升到最高點，以下有三點專家意見可供大家參考：

1.字詞唔使鹹

要玩Sexting玩得好，唔需要用露骨及意思明顯嘅字詞嚟表達，正如大家向伴侶提出性要求時，都唔會直接講「我今晚要同你做愛」一樣。同時，字詞亦應該盡量調皮啲、有心思啲。

例如：「今早在晨光照射的床鋪上，看着蓋上被子的你，回味昨夜那場激烈的歡娛。」句子內冇包含任何不雅用語，不過就令人充滿遐想。

2.留意用字風格

如果你玩Sexting嘅對象係相識已久嘅女友或老婆，自然可以隨心所欲，不過，若然對方只係同你剛剛發展，咁就要留意一下對方嘅短訊用字風格，再因應其風格作出改變。簡單嚟講，如果對方學歷唔高，你就咪舞文弄墨，以免浪費腦汁；另外，未了解到對方確實有同你上床嘅意思之前，切記咪用Sexting單刀直入表示有交歡意圖，以免嚇怕對方。

3.停頓時刻

當你正流住口水玩Sexting，但發現後面有人喺度八八卦卦「裝裝吓」，你應該連忙收好手機。事實上，你同伴侶都冇可能時時刻刻都有閒情玩Sexting，但係喺呢種停頓時刻，又可以Send邊類情慾短訊呢？大家不妨參考以下例句：「幻想吓當你食完午餐返到辦公室，發現四野無人，只係得全身赤裸嘅我瞓喺你嘅寫字枱上，你想點對我呢？」

一個人無無聊聊就會幻想，於對方幻想之前給對方送上呢類充滿誘惑味道嘅短訊，有助營造只有你同佢存在嘅幻想意境，自然可以令對方嘅情慾於Sexting嘅停頓時刻醞釀起嚟，咁之後喺床上咪充滿激情囉。