改頭換面

內地的舊同事從前幫我們拍照,主攻邪骨場,不過後來上面的情勢漸漸有變,可以拍的場愈來愈少,慢慢我們便不再需要這樣多人手,最後更被迫分手了。後來聽人說他跑去專門幫人影婚宴,日子還算過得可以。「唔係喎,我收到風肥仔(舊同事的暱稱)喺上面專門接香港鳳樓啲生意喎!」一位同行跟我說,是嗎?那就要了解一下了!

通過網絡,我很快就跟肥仔聯絡上,一問果然是。形式是香港有接頭人跟他接洽,定時定候將鳳姐的照片傳給他,他收到後,就用電腦程式將鳳姐照片大作修改,當中最大改動是身材,32吋胸推推拉拉可以變成35、36吋,最不可思議是鳳姐們的腰肢與手臂,執前、執後,完全是兩個模樣:「鳳姐修改嘅幅度比起呢邊邪骨場仲緊要,有啲仲離譜到要換頭,收佢少少錢,真係做死人咩!」換頭,就是改無可改,惟有將一個日本妹的眼睛、鼻子、嘴巴甚麼的,移植到鳳姐的面上:「其實最初都仲有人委託我搵啲骨妹影相,賣番香港畀佢哋做鳳姐廣告照片,不過後來佢哋嫌貴,咪冇做囉。」