世界波：危險性地你夠膽試未？

享受男女之樂的確係好開心，但經常只喺床上做實在悶人，所以有人會選擇挑戰高風險嘅車震，又或者走入森林當中，體驗泰山同阿珍嘅「叢林之樂」。外國有網站仲嫌咁玩唔夠刺激，更將好多地方列為「危險性地」，挑戰各位膽量。

外國人非常嚮往大自然，除咗成日參加單車旅行或徒步旅行外，好多人都會去到天體度假村，享受一整日都唔使着衫着褲嘅樂趣。另外，大家如果有睇新聞，特別係來自外國嘅性趣聞，更不難發現外國人真係好鍾意離開屋企張床，去到不同地方體驗性愛之樂，還記得多年前，悉尼更曾出現一宗鐘樓交歡事件。

　　有鑑於好多大膽又急色嘅男女，真係勇於接受挑戰，網站Ask Dan and Jennifer最近就發表咗一篇文章，列出幾個最佳危險性地，睇吓有冇人夠膽一試，以下排名以最可行為首選！

No.1 樹頂

唔少外國人屋企都有大花園，花園內都種有幾棵大樹，所以就有唔少人試過爬上樹頂享受交歡之樂。不過咁做實在極之危險，由樹頂跌落地，唔死都肯定跌斷手腳，若然於香港進行就更加危險，因為我哋嘅樹木辦做唔到嘢，好多大樹都被真菌侵害而變得脆弱，做做吓塌樹都有之。

No.2 跳水高台

高台跳水比賽精彩非常，見到跳水運動員由10米高嘅跳水台上飛身躍下，急速下墮嘅快感相當令人嚮往。據講有人試過去到一個達到奧運級數嘅室內跳水池，然後上到10米高台進行交歡，雖然佢哋嘅下場係點就冇人知，但係大家可以預料萬一撞落池邊嘅混凝土邊角，甚或撞落池底，分分鐘會搞出人命！

No.3 半空之中

早幾年本版曾為大家介紹過美國一個叫做Mile High Club嘅組織，呢個組織專門幫人安排小型飛機，接載情侶上半空，然後一齊跳傘；喺跳傘途中，大家仲可以進行空中交歡。老實講，跳傘本身已經存在危險性，如果二人於半空下墮時纏綿，先唔好講可能因為做得太忘我而唔記得拉開降落傘，大家纏綿之時更有可能搞到降落傘互相糾纏，到時真係要落黃泉再續前緣喇！

No.4 火車頂

電影中常有重要人物搭火車逃避追殺嘅情節，喺過程中，追殺佢嘅殺手往往都會喬裝混入車廂，或爬上火車頂一路潛行到重要人物嘅包廂進行刺殺。呢啲畫面齋睇已經覺得驚險，而網站就將火車頂列為極度危險嘅性地，我諗大家應該唔係怕危險而唔試，而係根本爬唔到上火車頂囉！

No.5 峭壁

攀山係好多人鍾意嘅運動，不過睇完電影《127小時》之後，相信好多人都會對攀山有所警惕。之但係網站就指出峭壁絕對係最佳嘅危險性地之一，因為可以一邊交歡，一邊欣賞明媚風光。但進行性事前，一定要了解清楚繩索嘅受力程度，否則失足跌落山崖實死無生啦。