神州遊：重慶網妹三級跳

最近重慶出現一班「網妹」搵食，佢哋以平價作招徠，開價¥20拖手、¥50咀嘴、¥100上床，不過當中有部分唔肯賣肉，齋摸手仔同Kiss，難怪有玩家呻搵笨。

呢班重慶囡囡喺網上搵食嘅方法非常簡單，以平價及挑逗性字句吸引客人，再以視頻睇辦，客人啱心水嘅話，就相約出嚟見面交易。不過，有玩家表示，唔係個個網妹都提供床上服務，有部分只會同客人拖手同咀嘴，玩家話：「嗰日網妹約咗我喺快餐店見面，佢搵張卡位大家打對面坐，然後以甜言蜜語氹我先畀錢，才肯拖手仔。」

拒絕開房

跟住兩人傾談一輪後，囡囡就會主動提出接吻，自動波走到玩家旁邊先收錢後Kiss。但玩家表示囡囡接吻只係點到即止，想濕吻則要額外收費：「接吻限時5分鐘，如果咀到興起伸脷嘅話，囡囡會即時拒絕，表示濕吻要外加30元，因此最好事前問清楚收費，以免掃興。」而令玩家最不滿嘅，係當佢向囡囡提出要求去開房曳曳時，囡囡即以肚痛、唔舒服等理由推搪，難怪玩家以「三級跳」嚟形容網妹，即係想到三級內容即跳車走人嘅意思。

另一方面，有網妹揚言一日閒閒哋接到3、4個客人拖手及嘴咀，每日賺二百多元，平均每月有八千幾元收入，難怪網妹話好過出去打工啦！

偷跳貼士

服務 價格

拖手 人民幣20

接吻 人民幣50

短敍 人民幣100