惹火沙灘女郎

由今日開始，我花宅類會為大家介紹最新嘅成人ACG，宗旨只得一個，就係模型要夠噴血！而今次介紹嘅Figure係嚟自日本動漫《魔法少女小圓》嘅巴麻美喇！

魔法加美少女嘅動漫，真係多不勝數，其中《魔法少女小圓》大受動漫迷歡迎，除咗因為有身材惹火嘅女主角坐鎮外，其故事取材自著名文學作品《浮士德》，古仔唔係一味玩魔法兼打打打嘅細路作品，而係一套充滿心理鬥爭、善惡公正嘅悲情之作，內容好有深度。雖然巴麻美唔係女主角，但佢樣子甜美，喺ACG界嘅人氣頗高，更係熱門Cosplay對象。

模型商Wave今次特別請嚟出名造功細膩、擅長刻畫女性胴體線條嘅小川陽三操刀，經大師塑造下，令本來萌味十足嘅巴麻美，化身成一個前凸後趷嘅沙灘女郎，當中嘅乳溝同股罅嘅線條最引人入勝，絕對令人流口水。此外，頭部可以郁動，讓玩家隨時同巴麻美有Eye Contact啦！

全高：約160mm

原型師：小川陽三

售價：¥3,990（約HK$410）

發售日期：預計2012年1月