加藤鷹做男人救星
提起加藤鷹，相信冇乜男人會唔認識，事關佢係日本AV界最有名嘅男優，拍過超過5,000部AV作品，曾與6,000位女優有一手，而且佢嘅鷹爪功，更係家喻戶曉，不知幾多碟迷爭住想學。「加藤San」退休後除咗喺影視圈演出外，最近仲出書做男人救星。
呢本書叫做《加藤鷹直傳 30歲的戀愛、Sex講座》，內容係以講座形式，教一眾年過30歲都冇拍過拖、冇得同女友發生性關係嘅草食男，點樣走出困境。雖然具體內容都係來來去去嗰幾招，但「加藤San」一語道破草食男識女仔時種種失敗嘅原因，非常一針見血，讀者睇到都一定會會心微笑。至於招數方面，都係要男仔主動啲，唔好怕失敗，面皮要厚等，但佢嘅舉例十分有趣，絕對係一本唔錯嘅消閒讀物，至於用佢啲招式去識女仔，成唔成功未知，但參考吓一定無妨。