掃帚眉多敗家仔
眉頭位置清秀，但一到尾段開始就散亂稀疏，而且兩部分嘅中間有明顯分開嘅象徵，相書稱之為掃帚眉，用得掃帚嚟形容都唔慌係好嘢，原來有呢種眉嘅男人，全部都係敗家仔，佢哋祖上有家業留低，但一到佢手，就會兄弟不和，錢財流失。
性格上太過主觀，而且不知進退，於是終日一事無成，只靠父母供養過活，當父母親離世後，經濟會出問題，遇有賢兄良弟，家業都守得住，但難免會對簿公堂爭家產。年輕時風流成性，多段姻緣都白白錯失，到咗晚年會孤獨終老。
感情上掃帚眉嘅男士比較兩極化，一時對女伴如珠如寶，愛護有加，一時又會對女伴有如地底泥，百般凌辱，可以話係忽冷忽熱，令女伴無所適從。有財有勢時仲可以忍讓，但當佢哋一無所有時，絕對冇女伴會肯留喺佢哋身邊！