奇聞趣事：賴帳唔畀錢

最近有個四眼仔去搵鳳姐，點知幫襯完之後，囡囡竟然要佢畀雙倍肉金，由原本$350變為$700，四眼仔唔肯畀，於是兩人發生爭執，最後四眼仔畀囡囡扑穿咗個頭。據我皮哥所知，囡囡屈客人一百幾十元小費，經常都會發生，但客人死話唔畀，囡囡都冇符，但係屈客人一倍肉金，情況就十分少見。據資深鳳姐阿蘭表示，一定係客人有特別要求，而且仲要係好難做嘅，囡囡至會加到一倍肉金咁貴。好多嫖友都知道，如果要求囡囡提供額外服務，例如想暢遊後花園，最多都係畀多一至兩舊水就搞掂，但加到一倍價錢，就一定係好難頂嘅嘢，而囡囡照做之後，客人唔肯畀錢，囡囡梗係嬲到震啦！阿蘭話：「嬲到扑穿佢個頭，咪小兒科囉！換轉係我，實行同佢死過添呀！」

皮哥Profile

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk