鹹蟲現形
慧喬斯文又靚女，係好多男仔嘅夢中情人，而喺一眾追求者當中，慧喬覺得阿言雖然肥肥笨笨，但係很有風度，而且待人誠懇又細心，所以接受咗阿言嘅追求。二人交往之後嘅某一晚，阿言趁家人回鄉探親，就帶慧喬返屋企一齊睇DVD。期間阿言突然肚痛，要去廁所解決，呢個時候，慧喬就好奇走入阿言間房睇吓，當佢一打開櫃桶，竟然見到有好多張鹹碟，慧喬覺得很不堪，諗住揭穿呢條鹹蟲嘅真面目，但惟恐阿言會推說話啲鹹碟係佢老竇嘅，所以佢諗到一條妙計令阿言現形。當阿言去完廁所行出廳之後，慧喬就問：「阿言，你識唔識蒼井空呀？」阿言就答：「唔識喎！邊個嚟o架？」慧喬又問：「咁小澤瑪莉亞同真田春香呢？」阿言擰擰頭話：「都唔識喎！」然後，慧喬就問：「咁志玲妹呢？」阿言大喜：「志玲妹下海拍AV咩？幾時呀？」只見慧喬睜大雙眼，怒目而視嘅樣子，阿言就知道自己失言，衰咗！