乳牛鬥狂牛
西班牙除咗令大家諗起皇家馬德里同巴塞隆拿呢兩支足球勁旅外，當然亦唔少得鬥牛勇士以及佢嘅好對手狂牛啦。每當睇到鬥牛賽事，大家都一定會替鬥牛勇士擔心，因為狂牛強壯有力，一對牛角又尖又長，一旦畀佢插中，唔使淥熟一個杯麵嘅時間就一命嗚呼。一隻狂牛已經咁得人驚，咁成街都係狂牛又會點呢？
興奮露乳
西班牙喺每年7月6日至14日期間，都係國家奔牛節。呢段日子內除咗有大量鬥牛比賽，重頭戲就係放出一群狂牛於街頭狂奔，追住前面嘅市民嚟撞，嘅刺激又兇險。
之不過，剛剛過去嘅奔牛節除咗狂牛搶鏡，唔少乳牛亦謀殺咗大家唔少菲林。所指嘅乳牛唔係狂牛嘅交配對象，而係一班上街慶祝節日，玩到又癲又喪，當眾剝衫露乳娛賓嘅巨乳女士。
當日，街上人頭湧湧，男男女女載歌載舞，唔少玩得興起嘅女士為咗增加氣氛，一於剝衫露乳，旁邊仲有唔少男士伸手抽水添！難得眾女又唔介意，睇嚟下年我都要去玩番一轉至得喇！