小野真弓突破底線
要數日本近年水着界最成功嘅例子，人氣偶像小野真弓一定榜上有名，阿妹佢1999年憑一個廣告走紅後，於2003年開始，就廣告、寫真拍不停，人氣一時無兩。不過轉眼就30歲嘅小野真弓，係時候要重新諗諗自己嘅定位。
最近佢唔知係咪諗通咗，於本月推出嘅最新寫真DVD《I Wish》中可謂落重本，除部分照片以3D製作外，真弓今次更唔再走純情玉女路線，改以性感成熟嘅形象示人，騷味十足，絕對係180度大轉變。不過效果恰到好處，而且尺度有啲都幾大膽吓，突破真弓過往嘅底線，就好似要話畀全世界聽，阿姐雖然唔再係十八廿二，但仲可以喺寫真界度同o靚妹爭一日之長短，無論係咪佢嘅粉絲，都絕對值得捧場。