情迷阿沈之巧遇騷貨

今日返到酒店值早班，一對男女相擁着準備離開。本來我喺酒店已經做咗差唔多10年，對於呢啲纏綿男女已經見慣不怪，都冇特別留意，只想盡快幫佢哋辦理Check Out手續，但嗰個男人離開之前，忽然好甜蜜咁叫嗰個女人做「阿沈」。我立即諗起老友田田，於是望向面前呢位微絲細眼嘅騷貨，我唔肯定呢位阿沈係咪就係田田嘅阿沈，不過面前呢位騷貨美艷動人，嘴角含春，的確係男人眼中嘅床上恩物，絕非「阿嬸」，若然真係佢，都難怪田田會對佢死心塌地。

狂放生電

呢位阿沈一隻手翹實男人嘅臂彎，一對豐胸就壓喺對方嘅肩膀上，眼睛不停咁向四圍大送秋波，真係淫蕩得很，連我見到都不期然要向佢致敬。大抵因為我目不轉睛，佢以為我對佢有意思，竟然回咗一個媚態十足嘅眼神畀我。

我畀佢電一電，立即腳仔軟一軟，不得了，如果見多幾面，真係朋友妻，咪走雞都似。我立即定過神，繼續完成工作，阿沈臨走前，再次向我拋咗一個媚眼，我今次就鎮定得多，但都忍唔住向佢報以一個友善嘅笑容。

呆若木雞

佢哋走後，我立即打電話畀田田，同佢形容阿沈嘅外表，聽到佢連聲認同，仲問我喺邊度見到佢，我唔忍心佢再受傷害，都係同佢講個善良嘅大話啦！之後整整一星期，我個腦經常浮現阿沈嘅身影，佢嘅媚眼、豐胸，仲有佢Watt數強勁嘅電力，令一向理智嘅我，都變得心不在焉，更影響咗工作表現，不時犯錯。

有一日，我又為咗糾正錯誤而忙碌中，突然聞到一陣令男人好衝動嘅香味，我抬頭一望，竟然發現阿沈就企喺我眼前，我呆若木雞，唔知道應該講啲乜嘢好……（待續）