奇聞趣事：拜神求好運

記得以前啲陀地鳳樓裏面總係滿天神佛，一入去就聞到大陣香燭味，而門口一定會供奉土地同埋放咗個衣紙桶，每晚上香之後，就會燒紙錢，祈求帶嚟好運，客似雲來。但自從北妹同新移民佔據晒鳳姐呢行之後，唔好話燒衣紙咁大陣仗，就算安土地或者拜神，大家都好少見到。咁都好，鳳樓冇晒陣香燭味，而且冇燒衣紙，唔會騷擾到啲隔籬鄰舍。但最近有幾個駐守中環嘅樓上骨女，竟然每晚都拜神燒衣，我問佢哋點解咁迷信？佢哋話：「以前喺大場做時晚晚都要拜咗神至開工，所以依家都照做，最重要係中環夜晚鬼影都冇隻，但拜咗神之後，真係客似雲來，唔到你唔信，於是我哋晚晚都會拜神燒衣囉！」究竟係咪真？信不信由你喇！

皮哥簡介

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk