鐵腕制肉彈
早前嘅遊行當中，有好多示威人士到深夜仲未肯離開，兼且霸佔道路，最後要警方強行出手清場。而過程中，警方除咗出動索帶綁住示威者雙手，仲曾經出動胡椒噴霧！事後，唔少有份參與示威嘅團體都指警方用力過猛，唔尊重示威人士。不過，佢哋如果睇過烏克蘭警方對付示威者嘅手法，就知道做法無不尊重之理，至少本港警方唔會派男警員熊抱女示威者先啦！
熊抱半裸女
本月初，烏克蘭首都基輔嘅議會大樓會議廳，當眾議員正討論緊有關養老計劃改革方案嘅時候，近年以激進示威手法聞名嘅女權組織「Femen」又於大樓外搞搞震。
今次一眾女成員剝光上身，露出雙乳於大樓外裸跑，要求政府提高女性退休年齡上限，搞到現場肉彈隨處蕩。由於事出突然，於附近駐守嘅警員為免佢哋對肉彈有傷風化，於是決定出動赤裸裸嘅鐵腕，將上身光脫脫嘅女示威者捉住，期間肉彈硬撼鐵腕嘅場面不斷上演，真係替一眾女示威者大叫蝕底，亦令人知道喺烏克蘭當差，原來都幾着數o架！