髮際凹陷住家男
印堂上嘅髮際如果成尖形，俗稱美人啄，就代表少年運差，好早就出嚟社會做事，或者好彩嘅就會去外國讀書。但如果髮際位反向內凹，咁又代表乜嘢呢？原來呢種男士十分深閨，廿幾歲仔都仲成日黐住屋企，但小心唔係自閉就可能係宅男。
相書話佢哋嘅性格好有愛心，而且亦唔會惡得去邊；至於愛情運，以前就要靠盲婚啞嫁嚟搵伴侶，但家陣上網玩都可能會遇到一兩段像霧又像花嘅虛幻愛情。但要收成正果，真係有啲困難，因為門口都唔願出，又點識到女仔呢？
至於床上表現，佢哋會十分騰雞，就算結婚十多年，只要一做呢家嘢就會雞手鴨腳。因為自己嘅事都管唔掂，仲點管兩個人嘅事，所以做太太嘅一定要主動，否則成世食齋都似。