吉井怜裸迎30歲

某一年小弟為慶祝30歲生日而大排筵席。席間小弟突然暗自悲傷，全因有感於自己踏入30之齡，已開始步向中年。幸而，眾友人給予小弟不少支持同鼓勵，仲話男人到咗30歲至開始發光發熱。咁又講得啱，30歲之嘛，仲有大把日子玩樂，好似日本女藝人吉井怜咁，就快30歲女，樣貌同副偈都一樣保持得嬌美誘人，一樣冧死仔！

今年29歲嘅吉井怜係日本藝能界知名嘅女演員，出道已經15年，演出過唔少電影，例如《妖怪大作戰》、《刺青》以及《大地震》等等，同時亦有演電視劇同舞台劇。最近吉井怜有感於自己就快由2字頭轉為3字頭，為迎接30歲嘅來臨，同時亦為紀念自己2字頭嘅最後時刻，特別去到景色優美嘅石垣島拍攝同前作相距10年嘅最新寫真集《由這裏開始》。

寫真集當中，吉井怜將會大騷身材，兼玩凸點誘惑，雖然怜妹嘅三圍數字只係得33-22-32，但係大家一睇寫真集嘅封面，見到怜妹長長嘅事業線，就應該知怜妹係薄身巨乳一族，愛奶人士一定唔會失望！

售價

¥2,940（約HK$290）