世界波：拍戲還債 砌出未來

俗語話：「小賭怡情，大賭亂性。」好似Roxy Carter就係因為嗜賭而欠下一筆賭債，為咗搵錢還債，佢迫於無奈去拍四仔，估唔到又畀佢一炮而紅，收入豬籠入水，可以還清賭債之餘，仲有美好嘅前程，真係絕處逢生。

阿妹未入行前，因為住得近賭場，每逢周末都會去賭番兩手，結果染上咗賭癮，仲欠下一身賭債，為咗償還，佢迫不得已投身四仔界拍戲搵快錢，點知又畀佢紅咗，成為炙手可熱嘅脫星，好多導演都搵佢做女主角。　

珍惜前途

Roxy話自己可以走紅，真係意料之外，原本佢諗住拍一兩年戲，還清債項就離開四仔界，點知入行未夠半年，就可以還清晒啲債，片酬仲三級跳添！阿妹話：「真係發夢都估唔到自己會走紅，好多謝影迷，冇佢哋嘅支持，我唔會有今日嘅成績。依家我已經戒咗賭，正所謂見過鬼仲唔怕黑咩，一定會好好珍惜自己嘅前途，拍多啲好戲報答大家。」

激勵姊妹

知錯能改，善莫大焉，阿妹能夠成功改過，真係可以激勵一啲染上不良嗜好嘅同行姊妹，等佢哋可以改過自新。Roxy話：「的確有好多同行姊妹都有賭癮，因為拍四仔都算係一行幾辛苦嘅職業，佢哋為咗減壓，就經常去賭，但賭博係一個無底深潭，一旦沾上就好難戒得甩，所以我嘅故事，為佢哋帶嚟正面訊息，只要有決心，就可以改過自新，重新做人。」

作品推介

碟名：《Casino》

內容：呢套四仔開正Roxy嘅戲路，講述成班爛賭姊妹殺入賭場，結果輸清光，惟有賭債肉償，搞到賭場內一片淫聲四起。

Roxy Carter's Profile

三圍：34C-24-34

身高：5呎5吋

年齡：26歲