小弟係《X-Men》系列嘅粉絲，尤其鍾意索爆嘅妖后，而日本將會推出佢嘅首辦模型，梗係要先睹為快啦！
妖后係一個長滿藍色鱗片嘅紅髮異能人，擁有變身能力，其身材玲瓏浮凸，真係引死人！雖然佢亦正亦邪，更經常背叛身邊人，卻仍然深得粉絲歡心。至於呢個妖后首辦模型，其造型以《變種特攻：異能第一戰》為藍本，喺額前同腰間都有骷髏頭嘅裝飾，並且長髮披肩，甚具女人味。而挺胸跪地甫士更展現前凸後趷嘅身材，配合埋手上支Uzi衝鋒槍，增添英姿颯爽嘅感覺。不過呢個模型要等到12月至發售，真係等到頸都長呀！
全 高：約150mm
售 價：¥6,510（約HK$620）
發售日期：預計12月
