Carie Lee 玩大咗

外國人一向百無禁忌，明明唔應該攞嚟玩嘅，佢哋都一於少理，玩咗先算！好似四仔脫星Carie Lee咁，早前居然喺網上自傳死訊博宣傳，認真大吉利是，結果引嚟好大回響，有粉絲大受打擊，幾日幾夜狂煲碟作悼念，亦有四仔迷瘋狂搶購阿妹歷來嘅作品來收藏。而一星期後，Carie終於企出嚟澄清話只係同大家開個玩笑，冇諗過粉絲會信以為真，希望大家當趣聞一笑置之，繼續支持佢，同買佢啲碟。

唉！阿妹就玩得過癮，但就難為咗佢父母，大批傳媒日日都喺Carie嘅住所外守候，搞到家人成個星期都唔敢出門口，真係陰功！Carie自知呢次玩大咗，已即時公開向父母道歉，仲話以後都唔敢再開死人玩笑。