舌有黑痣 專呃人
有女性朋友問我，佢個新男友舌上有黑痣代表乜嘢？我翻查相書，發現舌頭有黑痣，呢個人天生就係大話王，講嘢冇句真，有時除咗呃人，仲會呃埋自己，但由於滿嘴謊言，所以同佢熟嘅朋友，都會知道佢嘅虛實，做事高不成，低不就。
感情上會幾多姿多采，因為憑其一張嘴巴，真係可以呃到唔少女人，但呢啲女人亦唔係傻瓜，相處一段日子後，就會知道對方係龍係蛇，於是每段感情都係來匆匆，去匆匆。
而喺性事上，由於佢哋講就天下無敵，做就有心無力，所以冇乜囡囡會因為佢哋嘅床技而喜歡佢哋，但出鬼主意氹女仔，就確實有一手。所以要呃囡囡上床，佢哋總會得手，但一次起、兩次止，技術唔掂，得把口又有乜用吖！