奇聞趣事：免費做訪談

最近有政壇過氣大哥走去搵囡囡，點知畀記者撞個正着，佢辯稱自己畀錢做訪談，究竟乜嘢係訪談呢？我皮哥孤陋寡聞，於是走去問吓相熟嘅鳳姐，佢駐守喺太子已經6、7年，佢話不時有學生哥走嚟做訪談，即係談話式嘅訪問，從來都冇收過一分錢！「佢哋因為要做功課，故需要了解吓鳳姐嘅生涯，我一係唔接受訪問，一接受就唔收錢，好少聽過做訪談要收錢嘅。」咁有冇人叫你赤裸擺啲誘人姿勢，跟住同你講健康性教育呢？鳳姐就表示冇試過，但就有客人要求佢擺出誘人甫士，然後望住嚟自娛。我問除咗學生哥，仲有乜嘢人會嚟訪問呢？鳳姐話：「最多咪成人網站同雜誌嘅記者囉！有時社工都會上嚟吹吓水嘅，但佢哋唔會畀錢我哋做訪問，如果係就發達，單接受訪問咪好過開工！」

皮哥簡介

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk