新場衝擊

出來玩的人都趕潮流，新場開張，總可以搶走一班客人，尤其是新場無論裝修、設備都更勝人一籌，這情況，放諸中港澳都一樣。「個市場就係得咁多，除非你咁有本事開到新嘅客源啦！條街開多間場，生意自然就分薄咗，而且大家都搶住去試新嘢，所以唔好以為名牌就一定冇受衝擊，不過細啲咁啫。」跟我說話的，是澳門一家名牌夜店的負責人，他在這個行頭打滾差不多20年，真的可以說是甚麼風浪未見過？

我聽聞，早前接連開了幾家新場，從前的龍頭或者前列分子，一下子就被趕過頭。對，市場上哪有忠誠的消費者，大家都貪新鮮啊。不過我又聽到，新場可能運作未順利吧，不少地方都得失了客人，例如酒店房間的不足（開在新酒店的場，往往有這樣的問題，新酒店的房間搶手呀，有時街客都做唔切，而且房價還相當硬），有時客人真的要排隊上房，繁忙時段，隨時等上個零鐘，我有朋友就試過跳舞跳到一肚火，問這位老行尊的意見，他立即阻止我繼續話題：「人哋點做唔好講啦，總之，我哋做好自己就算。」