同事三分親
辦公室之內，一眾同事一齊相約食午飯；開會時一齊互相指罵，繼而互相得到體諒，感情更進一步；而男女同事因誤會而鬥氣，繼而成為戀人，一幕又一幕嘅情節，畀電視台編劇用到爛晒，大家亦應該耳熟能詳。
老實講，男女同事成為戀人嘅事例真係多不勝數，事關大家一齊工作，感情日漸加深，而且夠晒就手，睇啱就上啦！而喺美國，辦公室內嘅男女關係就更加複雜同混亂。當地一本成人雜誌早前就美國人嘅性生活習慣進行咗一項調查，訪問咗1,210名男士以及1,100名女士。調查結果發現48%嘅受訪男士曾經與女同事上床，而女士則有32%。另外，有8%受訪女士曾經同上司上床，而男士只得7%，反映出美國嘅職場男女關係複雜，十分隨便。