潤滑劑與萬能膠
小梅嘅家姐小儀同老公因為屋企裝修，所以暫時搬返外家住。由於外家只得兩間房，所以小儀兩公婆搬嚟住嘅時候，就要委屈小梅做廳長。第二朝起身，小梅返學之前問阿媽：「家姐同姐夫起身未呀？」阿媽就話：「仲未喎。」到中午，小梅放學返屋企食午飯嘅時候，又問阿媽：「家姐同姐夫出過房門未呀？」阿媽又答：「我成朝喺屋企都未見過佢哋出過間房喎。」到晚飯嘅時候，食晚飯之前，小梅又問同一個問題，阿媽就不耐煩咁話：「你成日問家姐同姐夫出嚟未做乜呀？」小梅就話：「哦！尋晚我聽到家姐叫姐夫去浴室搵吓有冇潤滑劑之類嘅嘢，姐夫摸黑去搵，鬼死咁嘈，不過我就冇起身。跟住今朝我起身去刷牙，就發現早幾日阿爸黐完水箱嗰支強力萬能膠唔見咗，想問吓佢哋係咪攞錯咗之嘛！」