文化差異
話說喺幾十年前嘅美國，有一個專搞文藝話劇嘅劇團，本住提高西部文化水平嘅偉大理念，於是專誠去西部演出。喺演出嘅首場，劇情講到女主角暈咗，男主角好擔心咁話：「我應該點做好呢？」樓上廂座就有人大嗌：「梗係咀醒佢啦！跟住趁佢未嚟得切Say No，就嚟個霸王硬上弓囉！」此話一出，即引嚟全場哄堂大笑，完全破壞晒藝術氣氛。第二日，劇團團長人就走去搵警長，希望佢能幫手睇住個場，唔好畀人破壞舞台劇嘅演出。當晚警長就佗住兩把槍坐喺第一排座位，本嚟一切都好順利，直至男女主角打完茄輪後，男主角話：「啊！呢個世界有乜嘢比你嘅嘴唇更甜呢？」此時，警長突然企起身，拔出雙槍指住觀眾席喝道：「邊個夠膽話係囡囡對波嘅話，我就開槍打瓜佢！」