五層SM俱樂部愈上愈激

內地嘅骨場漸漸演變成水療休閒中心，往往佔地幾層，而且內裏仲有一系列娛樂設施，例如電影院、桌球室、健身室等，簡直可以玩足一日。而日本亦有一個SM俱樂部有成五層樓咁高，要挑戰晒咁多層，唔單止要時間，仲要有無窮精力至得。

日本嘅一般俱樂部，通常都係陪酒店，同我哋去開嘅夜總會無甚分別，只係招呼我哋嘅囡囡叫做陪酒孃，而主要收入就係來自銷酒同枱鐘，並唔係同客人出街嘅街鐘。只不過，呢類俱樂部通常都只係得一層，有幾多設施真係一眼望得晒，幫襯得多都會覺得悶。之但係，大阪難波區就有一間俱樂部與別不同，唔單止因為佢係SM俱樂部，而且仲有五層樓咁高，層數愈高玩法愈激。

甘做奴隸

呢間難波秘密俱樂部，真係一啲都唔秘密，因為佢係一幢五層大廈，外形仲裝修到紅彤彤咁，離遠都見得到，不過內裏好玩至係最重要。俱樂部主打SM玩意，入去玩嘅客人，一定要有做奴隸嘅心理準備，事關入面嘅風俗孃全部都係SM女王，主要負責折磨客人。若然想將角色對調的話，咁就唔好意思，請貴客去過第二間玩啦！

做好心理準備之後，一踏入去地下係接待處，再上一層則係前台、洗手間同等候室，二樓則有「個室」畀客人入去玩。二樓嘅個室分為兩部分，一邊係類似K房嘅普通房仔，畀客人坐低飲杯嘢抖一抖；另一邊則係監倉，而內裏就有張床，當SM風俗孃以皮鞭、蠟燭、手銬、震棒等道具招呼客人嘅時候，都可以舒舒服服瞓低慢慢歎。

嚴刑拷問

去到三樓，個室同二樓差不多，不過監倉入面只得一張軟墊，方便風俗孃同客人玩化妝水地獄，即係風俗孃用大量化妝水淋滿對方全身，先用身體細意摩擦，感覺好爽？No！呢個只係前奏，因為風俗孃會將身體緊貼客人面部，搞到客人幾乎抖唔到氣！

去到四樓，一樣有監倉，不過軟墊就變換成一張長形按摩床，咪妄想風俗孃會幫你揼骨喎，因為呢張床係用嚟嚴刑逼供嘅。客人瞓上去之後，將會被鎖手鎖腳，繼而被風俗孃用各式道具百般刺激敏感點。

而去到五樓，將會係客人嘅最大挑戰，因為呢一層雖然同樣有一張床，風俗孃亦會變身成為OL，但係其行動將會更狠辣同不留餘地，不止對客人又打又鬧兼掌摑，仲會將客人當牛牛咁騎。咁都未算慘，客人嘅小菊花仲可能會畀風俗孃「一探究竟」添！奉勸各位衡量吓自身承受能力先好挑戰呀！

收費方面，60分鐘服務收¥24,000，折約HK$2,300，價錢昂貴，又要畀人糟質，真係有被虐傾向嘅客人先好幫襯！