野生何B仔
浩洋半夜飲大咗，走咗去沙灘裸泳，之後由於太攰，赤條條咁瞓咗喺沙灘。翌日，嚟沙灘游早水嘅公公婆婆，見到佢打大赤肋攤咗喺度，於是夾手夾腳用啲沙堆住佢下半身，免得佢裸露人前醜死鬼。未幾，有幾個小朋友嚟到沙灘，佢哋搞極浩洋都唔醒，於是將沙堆滿佢成個人，留番個鼻哥畀佢呼吸。到咗中午，有兩個少女嚟沙灘戲水，突然刮起一陣大風，吹到浩洋嘅何B仔露出沙外，兩少女見到覺得奇怪，少女A問：「你睇吓係乜嚟嘅？」少女B答：「好似係男人那話兒喎！」A狐疑：「但係咁細嘅！」B答：「可能係野生嘅關係啩！」A摸不着頭腦：「乜呢啲嘢都有野生嘅咩？」B答：「唔係野生點會喺沙裏面出現呢！」A問：「咁種多幾日，會唔會變大o架？」B答：「應該會啩！」A提議：「咁不如摘返屋企養大佢囉！」B點頭，然後兩人合力一拉，痛得浩洋即時彈起身，嚇得兩少女驚慌失措：「人哋只想種何B仔玩吓，唔係要個男人呀！」