八神疾風 水着Look遐想
日本人氣動畫《魔法少女奈葉StrikerS》除咗故事題材吸引外，仲有多位索爆女角色，難怪呢套已經係《魔法少女奈葉》系列嘅第三部作品，仍然深受動漫迷歡迎。
今次介紹嘅八神疾風，就係女主角之一。19歲嘅八神，不但長得亭亭玉立，身材更係玲瓏浮凸，尤其係一對渾圓靚波，實在令人口水流。至於呢個八神疾風首辦模型，由魔法袍換上比堅尼上陣，賣相更加吸引，不但充分展現出八神嘅青春氣息，前凸後趷嘅身材更係表露無遺，配合埋佢一對修長嘅雪白美腿，讓粉絲們喺炎炎夏日中，大吃冰淇淋，即時透心涼！