有啲人嘅嘴唇上下都又粗又厚，而且仲有少少微翹，相書稱呢種唇相為「牛口」，生有牛口嘅人，有實力，心思縝密，洞察力強，能白手興家，一生順利。感情運方面，年輕時想搵個女仔拍吓拖都難，焗住專心事業發展，到步入中年後，事業有成，先會有機會識吓女仔，所以多數都會晚婚晚子！由於老夫少妻，所以新婚頭幾年，應努力「造人」。床上表現雖然有氣有力，但就冇乜驚喜，事前會送啲首飾或者小禮物畀太太，不失為一個好老公。